ഇതുകൊണ്ട് എന്താണ് അർഥമാക്കുന്നത്?

സർഗാത്മകമായ പുതിയ വാസസ്ഥലമാണ് സൈബർ ലോകം. ‘ഇതു കൊണ്ട് എന്താണ് അർഥമാക്കുന്നത്?’ എന്ന് ശബ്ദതാരാവലി മുന്നിൽ വെച്ച് മനസ്സിലാക്കേണ്ട ഒന്നും ഇതിലുണ്ടാവരുത് എന്നാഗ്രഹിക്കുന്നു, എന്നാൽ, ശബ്ദതാരാവലി മേശപ്പുറത്തുണ്ടാവുകയും വേണം.ലിംഗ /ജാതി / മത സ്വത്വങ്ങളെ സംബന്ധിക്കുന്ന പുതിയ ആകുലതകൾക്ക് വലിയൊരു ഇടം നൽകേണ്ടതുണ്ട്. സൂക്ഷ്മമായി, ഏറെ കാലത്തെ നിരന്തരമായ പ്രയത്നം കൊണ്ട് നിർമ്മിച്ചെടുത്ത ഒരു അരക്ഷിതാവസ്ഥ മനുഷ്യർ എവിടെയും ഇന്ന് പേറുന്നുണ്ട്.  ‘ഞാനാരുമല്ല’ എന്ന തോന്നലുണ്ടാക്കും വിധം തീവ്രമായ ആകുലതകൾ. വെറുപ്പിൻ്റെ വംശീയ / രാഷ്ട്രീയ / വർണ്ണ വിഭജനങ്ങളെ കൂടാതെ, കോവിഡ് , മനുഷ്യരുടെ ഇടയിൽ പരസ്പരം കടന്നു പോകാൻ കഴിയാത്ത പുതിയ പാലങ്ങൾ കൂടി തീർത്തു. ‘ഇരിപ്പിടങ്ങൾ’ക്കു പകരം, ‘കിടപ്പിട ‘ങ്ങൾ കൂടി .ചാഞ്ഞു കിടന്ന് നോക്കുകയാണ്, ലോകത്തെ. എവിടെയും ചാഞ്ഞു കിടന്ന് വിരൽത്തുമ്പ് കൊണ്ട് നടന്നു കാണാം ലോകം. പക്ഷെ –