കോർണർ കിക്ക്

മാമുക്കോയ

ഒരു ഫുട്ബോൾ ആസ്വാദകൻ എന്ന നിലക്ക് ഈ ടൂർണ്ണമെൻ്റിലെ എല്ലാവരും പ്രതീക്ഷിക്കുന്ന മികച്ച താരങ്ങളും ടീമുമാണ് ബ്രസീൽ, അർജൻ്റീന, ഫ്രാൻസ്. അവർ മുന്നോട്ടു വരിക എന്നതു തന്നെയാണ് ഈ കാത്തിരിപ്പിൻ്റെ സന്തോഷം. കാരണം, ഏറ്റവും നല്ല കളികൾ കാഴ്ചവെക്കുക, അതാസ്വദിക്കുക… ഈ മൂന്നു പേരിലാര് ജയിച്ചാലും സന്തോഷമാണ്.

അതിനവർ അർഹരാണ്.പിന്നെ ഫാൻസ് , അത് മനസ്സിൽ കയറിക്കൂടി അതിൻ്റെ പിന്നാലെ നടക്കുമ്പോ ഇതിനേക്കാൾ നല്ല കളി മറ്റവര് കളിച്ചാലും അംഗീകരിക്കാൻ പ്രയാസാണ്. ഇന്നത്തെ രാഷ്ട്രീയം പോലെ. അതിന് ഞാനില്ല. ഇതില് മൂന്ന് ടീമില് ആര് ജയിച്ചാലും നമുക്ക് ആസ്വദിക്കാൻ തന്നെയാണ്. എല്ലാ വിജയങ്ങളും അവർക്ക് നേരുന്നു.